హెడ్లైన్ : ఏరువాక పండుగ సందర్భంగా 6 కిలోమీటర్ల పరుగు పందెం

నేటి సాక్షి న్యూస్ జూన్ 30



పెద్దకడబూరు మండలంలోని కంబళదిన్నె గ్రామంలో మంగళవారం ఏరువాక పండుగ వేడుకలను పురస్కరించుకుని యువతకు 6 కిలోమీటర్ల పరుగు పందెం నిర్వహించారు. గ్రామ యువకుల ఆధ్వర్యంలో జరిగిన ఈ పోటీల్లో 27 మంది యువకులు ఉత్సాహంగా పాల్గొన్నారు.
ఉత్కంఠభరితంగా సాగిన పోటీలో బోయ హనుమంతు ప్రథమ స్థానంలో నిలిచి విజేతగా అవతరించారు. అనంతరం విజేతను టీడీపీ నాయకులు నరవ రమాకాంతరెడ్డి, నాగేంద్ర, ఆంజనేయులు అభినందించి శుభాకాంక్షలు తెలిపారు. గ్రామీణ ప్రాంత యువతలో క్రీడాస్ఫూర్తిని పెంపొందించేందుకు ఇటువంటి కార్యక్రమాలు దోహదపడతాయని వారు పేర్కొన్నారు.
ఈ కార్యక్రమానికి గ్రామ పెద్దలు, యువకులు, క్రీడాభిమానులు పెద్ద సంఖ్యలో హాజరై పోటీలను తిలకించారు.