మట్టి మాయగాళ్లు"!.. తవ్వుకో..అమ్ముకో.. ... చౌడేపల్లిలో ఆగని మట్టి మాఫియా? తిరుమణపల్లి చెరువులో పది అడుగుల లోతు వరకు మట్టి తవ్వకాలు

నేటి సాక్షి న్యూస్ చౌడేపల్లి ఆగస్టు 19


చౌడేపల్లి మండలంలో మట్టి మాఫియా చెలరేగిపోతోంది. నిబంధనలకు విరుద్ధంగా జేసీబీలతో చెరువుల్లో భారీ గుంతలు తవ్వుతూ, పది అడుగుల లోతు వరకు మట్టిని అక్రమంగా తరలిస్తున్నారు. దీనివల్ల చెరువుల రూపురేఖలు మారిపోయి, భూగర్భ జలాలు అడుగంటిపోయే ప్రమాదం ఉందని స్థానికులు ఆందోళన వ్యక్తం చేస్తున్నారు.అక్రమ తవ్వకాల దుష్ప్రభావాలుచెరువుల నాశనం: అనుమతికి మించి లోతుగా తవ్వడం వల్ల చెరువులు కుంటలుగా మారుతున్నాయి.ప్రమాదాలు: చెరువు కట్టల సమీపంలోనే పెద్ద ఎత్తున తవ్వకాలు జరపడంతో వర్షాకాలంలో కట్టలు తెగే ప్రమాదం ఉంది . అన్నమయ్య జిల్లా చౌడేపల్లి మండలం పుదిపట్ల గ్రామపంచాయతీ పరిధిలోని తిరుమణపల్లి చెరువులో మట్టి తవ్వకాలు ఆగడం లేదనే ఆరోపణలు వినిపిస్తున్నాయి.చెరువులో సుమారు పది అడుగుల లోతు వరకు మట్టి తవ్వినట్లు స్థానికులు ఆరోపిస్తున్నారు.చెరువు నుంచి తవ్విన మట్టిని మిట్టూరు ప్రాంతంలోని ఇటుక బట్టీలకు వాహనాల ద్వారా తరలిస్తున్నట్లు సమాచారం. దీనిపై రెవిన్యూ అధికారులకు ఫిర్యాదు చేసినప్పటికీ,పట్టుబడిన వాహనాలను సీజ్ చేయకుండా విడిచిపెట్టారనే ఆరోపణలు వెల్లువెత్తుతున్నాయి.మట్టి తవ్వకాలు, వాహనాల తరలింపుపై స్థానికులు పలు అనుమానాలు వ్యక్తం చేస్తున్నారు. అంతేకాకుండా వీఆర్వో, వీఆర్ఏ,మీడియా ప్రతినిధులకు వాటాలు ఇస్తున్నట్లు కొందరు పేర్కొన్నట్లు ఆరోపణలు వినిపిస్తున్నాయి.అయితే ఈ ఆరోపణలకు సంబంధించి అధికారికంగా నిర్ధారణ కావాల్సి ఉంది.వాహనాలను ఎందుకు సీజ్ చేయలేదు? చెరువులో అక్రమంగా మట్టి తవ్వకాలు జరుగుతున్నాయని ఫిర్యాదులు వచ్చినప్పుడు సంబంధిత అధికారులు చర్యలు తీసుకోవాల్సి ఉండగా,వాహనాలను సీజ్ చేయకుండా విడిచిపెట్టడంపై స్థానికులు ప్రశ్నిస్తున్నారు.చెరువులో ఎంత మేర మట్టి తవ్వారు? ఎవరికి అనుమతులు ఉన్నాయి? మట్టిని ఎక్కడికి తరలిస్తున్నారు?పట్టుబడిన వాహనాలను ఎందుకు సీజ్ చేయలేదు? ఈ వ్యవహారంలో అధికారుల పాత్ర ఏమిటి?అనే ప్రశ్నలకు రెవిన్యూ అధికారులు స్పష్టత ఇవ్వాలని స్థానికులు కోరుతున్నారు.తిరుమణపల్లి చెరువులో జరుగుతున్న మట్టి తవ్వకాలపై సమగ్ర విచారణ చేపట్టి,అక్రమాలు నిజమని తేలితే బాధ్యులపై చట్టపరమైన చర్యలు తీసుకోవాలని గ్రామస్తులు డిమాండ్ చేస్తున్నారు.